Մարզվելու ընթացքում ընկել եմ եւ կոտրել ձեռքս, կպահանջվի նաեւ վիրահատական միջամտություն. Ալեն Սիմոնյան
Մեկ շաբաթում պարեկները Երեւանում հատուկ պահպանվող տարածք են տեղափոխել 166 մեքենա, իսկ 6 մարզերում՝ 242 մեքենա
Իրականում ի՞նչ ասաց այսօր Լավրովը
Քաղաքացին փորձում է ինքնասպանություն գործել՝ նետվելով Երեւանի Հաղթանակի կամրջից
Բեռնատարում շուրջ 8 խմ շինափայտ կար. Տավուշի պարեկների բացահայտումը
Ծնվել է 44-օրյա պատերազմում զոհված Սենիկ Խուրշուդյանի եղբայրը
Երեւանում բեռնատար գնացքը բախվել է գծերի վրայով անցնող 71-ամյա քաղաքացուն․ նա տեղում մահացել է․shamshyan.com
Բլինքենը Փաշինյանին կոչ է արել կոնկրետ քայլեր անել՝ Բաքվի հետ չլուծված խնդիրները լուծելու համար․ Պատել
Վրաստանում Սաակաշվիլիի ընտանիքին առաջարկել են արտասահմանցի բժիշկներ կանչել նախկին նախագահի համար
Ամեն ինչ արվում է, որ ՌԴ-ի դիրքերը տարածաշրջանում թուլացվեն, եւ պատկերացում չկա, թե նրան ինչով պետք է փոխարինել.Մինասյան

ՀՊՏՀ Ուսանողական խորհուրդը կրկին Արցախում է

08:53 2 Մայիս 2017

Ապրիլի 29-ի վաղ առավոտյան Հայաստանի պետական տնտեսագիտական համալսարանի Ուսանողական Խորհրդի նախաձեռնությամբ համալսարանի շուրջ 50 ուսանողներ «Մենք Արցախն ենք» ծրագրի շրջանակներում ուղևորվեցին Լեռնային Ղարաբաղի Հանրապետություն: Ծրագիրը մեկնարկել էր դեռ ապրիլի 28-ին` ԼՂՀ նախագահ Բակո Սահակյանի հետ ՀՊՏՀ ռեկտոր Կորյուն Աթոյանի և Ուսանողական խորհրդի նախագահ Սերգեյ Խառատյանի ունեցած պաշտոնական հանդիպումով:

Ուղևորության առաջին հանգրվանը Հադրութի շրջանի Առաջամուղի զինավանն էր, որտեղ ուսանողներն արժանացան ջերմ ընդունելության։ Այցելություն կազմակերպվեց տեղի` Զաբել Եսայանի անվան հիմնական դպրոց, որտեղ ուսանողները հանդիպեցին և զրուցեցին դպրոցի տնօրեն Կարինա Մկրտչյանի և անհամբերությամբ ուսանողների խմբի ժամանմանը սպասող դպրոցականների հետ։ Ուսանողական խորհուրդը դպրոցականների համար պատրաստել էր անակնկալ նվերներ, դպրոցական պայուսակներ և գրենական պիտույքներ։

Տնտեսագիտական համալսարանի Ուսանողական խորհրդի նախագահ Սերգեյ Խառատյանը մեզ հետ զրույցում նշեց, որ միջոցառման նպատակն այս անգամ ոչ միայն բուհ-բանակ կապի ամրապնդումն է, այլ նաև սահմանամերձ գյուղերի երեխաներին երիտասարդության աջակցության փոխանցումը: «Այս «սահմանապահ աշակերտները» պետք է զգան, որ հայ երիտասարդը կանգնած է իրենց կողքին, որ հայրենիքի պաշտպանության սուրբ գործը բոլորինս է և մենք պատրաստ ենք ուժերի ներածի չափով օգնել այս շրջանների բնակչությանը` և անել ամեն ինչ, որ իրենց հասարակություն լիարժեք անդամ զգան»,- իր խոսքում նշեց Սերգեյ Խառատյանը, տեղեկացնելով որ ծրագիրը իրականացվում է Հայաստանի երիտասարդական հիմնադրամի հետ համատեղ և ՀՊՏՀ ռեկտոր Կորյուն Աթոյանի Աջակցությամբ:

Նպատակ ունենալով ուսման նկատմամբ բարձրացնելու սահմանամերձ գյուղի աշակերտների հետաքրքրվածությունն ու շահագրգռվածությունը` դպրոցի` բարձր առաջադիմություն ունեցող 3 աշակերտներ Ուսանողական խորհրդի կողմից արժանացան առանձնահատուկ նվերների՝ բջջային հեռախոսների տեսքով։ Դպրոցի տնօրեն Կարինա Մկրտչյանը բարձր գնահատեց ՀՊՏՀ Ուսանողական խորհրդի այս նախաձեռնությունը` նշելով. «Հեռավոր սահմանամերձ գյուղերում շատ հաճելի և խիստ գովելի է նմանատիպ միջոցառումների կազմակերպումը, քանի որ դրանք օգնում են կտրվել գյուղի միապաղաղ առօրյայից և նոր հետաքրքրություն են մտցնում երեխաների կյանքում»։

Արցախյան ուղևորության հաջորդ կանգառը սահմանամերձ Ջեբրաիլի զորամասն էր, որտեղ ուսանողներին հնարավորություն ընձեռվեց ընթրել զինվորականների հետ միասին, որից հետո բուհի շնորհաշատ ուսանողների կողմից կազմակերպվեց երաժշտական միջոցառում՝ նվիրված Շուշիի ազատագրման 25 ամյակին։ Կիթառի և սաքսոֆոնի նվագակցությամբ հնչեցին հայրենասիրական երգեր և մասնակիցների ուրախ երգ ու պարին միացան նաև զինծառայողները։ Ուսանողներից շատերը կարողացան հանդիպել այդ զորամասում զինծառայություն անցնող իրենց ընկերներին։

Այցելության երկրորդ օրվա ընթացքում ուսանողները եղան Արցախի պատմամշակութային մի շարք վայրերում, Ստեփանակերտ քաղաքի կենտրոնական հրապարակում, կազմակերպվեց այցելություն «Մենք ենք, մեր լեռները» հուշարձանին, իսկ տուն վերադառնալու ճանապարհին երկօրյա ճամփորդությունն ամփոփվեց Դադիվանք հոգևորական համալիր այցելությամբ։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Միջազգային լուրեր

ՏԵՍՆԵԼ ԱՎԵԼԻՆ

Տնտեսություն

ՏԵՍՆԵԼ ԱՎԵԼԻՆ