16:21:04 1°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Հունաստանի վարչապետը քննադատել է Թուրքիայի ագրեսիվ պահվածքը

    19:53 5 Հուլիս 2022

    Հունաստանի վարչապետ Կիրիակոս Միցոտակիսն ասել է, որ Ուկրաինայի պատերազմը «շրջադարձային կետ» է եվրոպական քաղաքական ծրագրում եւ ընդգծել, որ պետք է խուսափել ցանկացած արդյունքից, որը ագրեսիա կհրահրի մայրցամաքի այլ պետությունների կողմից, հայտնում է AP լրատվականը:

    «Ուկրաինայի համար պայքարը հերթական իրադարձությունը չէ միջազգային ասպարեզում։ Սա շրջադարձային կետ է Եվրոպայի ճանապարհորդության մեջ: Այսօր մենք պարտավորվում ենք կանխել ցանկացած փաստ, որը վաղը նոր պոտենցիալ խռովարարներ առաջ կբերի»,- ասել է Միցոտակիսը Ստրասբուրգում՝ Եվրախորհրդարանում ունեցած իր ելույթի ընթացքում։

     

    Միցոտակիսը նշել է, որ ինքը նկատի ունի «Թուրքիայի մշտական ​​ագրեսիվ պահվածքը», որի հետ հարաբերությունները վերջին երկու տարիների ընթացքում սրվել են։

    «Մի բան հաստատ է. մեզ պետք չէ նոր ռեւիզիոնիզմ եւ կայսերական երեւակայությունների վերածնունդ: Եվ հստակ է եւս մեկ բան. Հունաստանը իր ազգային ինքնիշխանության եւ տարածքային ամբողջականության վերաբերյալ ուեւէ կասկած չի հանդուրժի», - նշել է Միցոտակիսը:

    Միցոտակիսը նշել է, որ Հունաստանի դռները փակ են սպառնալիքների եւ բաց խաղաղ շփումների համար՝ շեշտելով, որ պետությունների միջեւ վեճերը լուծվում են միջազգային իրավունքի հիման վրա, ո՛չ թե ահաբեկման միջոցով:

    ԿԱՅՔԻ ՀԻՆ ՏԱՐԲԵՐԱԿ

    Լրահոս