21:24:43 18°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Հովիկ Աբրահամյանը մասնակցեց «ՀՊՏՀ շրջանավարտ 2013» միջոցառմանը

    06:40 10 Հուլիս 2013

    Հուլիսի 9-ին ԱԺ նախագահ, ՀՊՏՀ խորհրդի նախագահ Հովիկ Աբրահամյանը  ներկա գտնվեց    «ՀՊՏՀ շրջանավարտ 2013»  միջոցառմանը:   Մինչ  տոնական մասին անցնելը՝ խորհրդարանի ղեկավարը   ՀՊՏՀ ռեկտորի ուղեկցությամբ   շրջեց տարածքում,  ծանոթացավ կատարված շինաշխատանքներին ու  բարեփոխումներին:    Հովիկ Աբրահամյանը    առանձնահատուկ ջերմությամբ  շնորհավորեց  շրջանավարտներին   հիշարժան օրվա   եւ   Հայաստանի պետական տնտեսագիտական համալսարանն ավարտելու կապակցությամբ: Հովիկ Աբրահամյանը նշեց, որ   բուհն  ավարտելը նշանակալի իրադարձություն է յուրաքանչյուր մարդու կյանքում: Բարձրագույն կրթությունը շատ կարեւոր  է  հատկապես ներկա զարգացումների համատեքստում, երբ բոլոր ոլորտների զարգացման շարժիչ ուժը կրթությունն է, գիտելիքը:   «Վստահ եմ, որ Հայաստանի պետական տնտեսագիտական համալսարանում սովորելը մեծ պատիվ է եղել ձեզ համար, քանի որ մեր համալսարանը տնտեսագետ կադրեր պատրաստող լավագույն բուհերից է : Համոզված եմ, որ այստեղ դուք ստացել եք անհրաժեշտ գիտելիքներ եւ մեծ կյանք եք մտնում գիտելիքների հարուստ պաշարով: Համոզված եմ, որ այստեղ դուք ստացել եք անհրաժեշտ գիտելիքներ եւ մեծ կյանք եք մտնում գիտելիքների հարուստ պաշարով: Բացի գիտելիքներ ստանալուց, հուսով եմ, դուք ձեռք եք բերել լավ ընկերներ, կյանքի փորձ եւ  ունեք մեր երկրի, պետության համար  լավ քաղաքացի լինելու  հատկանիշները»,-ասաց Հովիկ Աբրահամյանը: Շարունակելով ելույթը` ԱԺ նախագահը  փաստեց, որ անցնող տարիներին համալսարանի ղեկավարությունը կրթության որակի բարձրացմանը միտված կարեւոր ծրագրեր է իրականացրել, որոշակի քայլեր են ձեռնարկվել նաեւ համալսարանի միջավայրի բարելավման եւ այն առավել գրավիչ ու հարմարավետ դարձնելու ուղղությամբ  եւ ընդգծեց, որ բուհի քաղաքականությունն ուսանողակենտրոն է:  Նա վստահեցրեց, որ կատարված քայլերը, որոնք շարունակական են լինելու,  միտված են ուսանողների պահանջների բավարարմանը:
    «Մենք միշտ եղել ենք ձեր կողքին, խրախուսել բուհի դրական նախաձեռնությունները»,- հավելեց Հովիկ Աբրահամյանը:   Ամփոփելով   խոսքը ՀՊՏՀ խորհրդի նախագահն ասաց.   «Սիրելի շրջանավարտներ, վստահ եմ, որ այս օրը անմոռանալի է լինելու ձեզ համար: Հետագայում դուք հաճախ եք հիշելու ձեր հարազատ բուհը, ուսումնառության տարիները, բազմաթիվ առիթներ եք ունենալու ուսման այս տարիները արժեւորելու համար: Մենք ձեզ մեծ կյանք ենք ճանապարհում լավագույն բարեմաղթանքներով` համոզված լինելով, որ դուք այստեղից դուրս եք գալու արժանապատիվ կյանք կերտելու հմտություններով եւ գիտակցությամբ: Հաջողություն եմ ցանկանում ձեզ բոլոր նախաձեռնություններում, առաջընթաց աշխատանքում, ձեռքբերումներ նաեւ անձնական կյանքում: Իմ ցանկությունն է, որ ձեր մասնագիտական ունակություններն ու հմտությունները  ծառայեն մեր երկրի, նրա տնտեսության զարգացմանը: Դա հպարտանալու լուրջ առիթ կդառնա մեզ համար եւ լավ ազդակ` շարունակելու կրթության որակի բարձրացմանը միտված մեր քայլերը: Ամենայն բարիք ձեզ եւ բարի ճանապարհ»:

    Ավարտական միջոցառմանը  ելութներով հանդես եկան նաեւ բուհի ռեկտոր Կորյուն Աթոյանը  եւ ՀՊՏՀ խորհրդի անդամ, ԱԺ  պատգամավոր Կարեն Ճշմարիտյանը:  Նշենք, որ  2012-2013 ուսումանական տարում առկա բակալավրիատն ավարտեց 1255, իսկ մագիստրատուրան` 595 ուսանող:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Միջազգային լուրեր

    ՏԵՍՆԵԼ ԱՎԵԼԻՆ

    Տնտեսություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One