Ջավադյանը գոհ է Ֆինանսական համակարգի հաշտարարի աշխատանքից

12:34 28 Հոկտեմբեր 2011

Այսօր Երևանում մեկնարկեց «Ֆինանսական օմբուդսմենի Ինստիտուտն ուղղված հանրության վստահության ամրապնդմանը և ֆինանսական միջնորդության ավելացմանը» երկրորդ երկօրյա կոնֆերանսը: Այն կազմակերպել է Ֆինանսական համակարգի հաշտարարի գրասենյակը:

Համաժողովի ընթացքում ելույթ են ունեցել ոլորտի բարձրաստիճան ներկայացուցիչներ Մեծ Բրիտանիայից, Ֆրանսիայից, Ֆինլանդիայից, Դանիայից, Ավստրալիայից, Ռուսաստանից և Լատվիայից, ինչպես նաև մի շարք միջազգային կազմակերպություններից:

Կոնֆերանսի բանախոսների ներկայացուցչական կազմը վկայում է մեր երկրում ֆինանսական ոլորտի կայացման գործում առաջավոր միջազգային փորձի կիրառման կարևորությունը: Նշեմ, որ այս համաժողովի 130 մասնակիցների թվում են հիմնականում մեր երկրի ֆինանսական շուկայի մասնակից-կազմակերպությունների երիտասարդ ներկայացուցիչները:

Կոնֆերանսի ընթացքում մասնակիցները ծանոթանում են ֆինանսական օմբուդսմենների միջազգային փորձին, Հաշտարարի գրասենյակի գործունեության տարբեր ուղղություններին:

Տիկին Սարգսյանը ընդգծեց, որ իր գլխավորած գրասենյակը գործում է` հիմք ընդունելով միջազգայնորեն ընդունված գործունեության սկզբունքներն ու ընթացակարգերը:

Համաժողովին ներկա էր և ՀՀ կենտրոնական բանկի նախագահ Արթուր Ջավադյանը: Պատասխանելով «Ռադիոլուր»-ի հարցին, նա գոհունակություն հայտնեց մեր երկրի ֆինանսական կազմակերպությունների և Ֆինանսական համակարգի հաշտարարի փոխգործակցության ներկա մակարդակով:

«Իսկզբանե ֆինանասական կազմակերպությունների մոտ կար մտավախություն, որ այս կառույցը գործելու է որպես որոշակի միջնորդ, որովհետեւ կառույցը միտված է սպառողների շահերի պաշտպանությանը, բայց կառույցի առկայությունը թույլ է տալիս բարելավել իրենց ֆինանսական վարվելակերպը, բարելավել եւ բարձրացնել ֆինանասկան մշակույթի մակարդակը»,-ասաց Արթուր Ջավադյանը:

Հավելենք, որ կոնֆերասի ընթացքում անց են կացվում նաև թեմատիկ քննարկումներ` քարտային և ապահովագրական զեղծարարությունների, հիփոթեքային պայմանագրերի և սպառողական վարկերի, ավտոտրանսպորտային միջոցների օգտագործումից բխող պատասխանատվության պարտադիր ապահովագրության իրավական կարգավորման, վնասի գնահատման և ԱՊՊԱ-ի հետ կապված այլ պրակտիկ խնդիրների վերաբերյալ:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Ջավադյանը գոհ է Ֆինանսական համակարգի հաշտարարի աշխատանքից

Լրահոս

Փոխկապակցված նորություններ

Քաղաքականություն

Աշխարհ