02:14:08 17°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Կանադայի վարչապետը Անկախության օրվա առթիվ շնորհավորել է Հայաստանին

    18:40 21 Սեպտեմբեր 2020

    Կանադայի վարչապետ Ջասթին Թրյուդոն Հայաստանի Անկախության օրվա կապակցությամբ այսօր հայտարարություն է արել:

    «Այսօր մենք միանում ենք Կանադայի եւ ամբողջ աշխարհի հայ համայնքներին, որպեսզի նշենք Հայաստանի անկախության 29-րդ տարեդարձը:

    Կանադան առաջին արեւմտյան երկրներից մեկն էր, որը ճանաչեց Հայաստանի անկախությունը՝ 1992 թվականին հաստատելով դիվանագիտական հարաբերություններ: Այդ ժամանակից ի վեր մեր երկու երկրների հարաբերությունները, որոնք հիմնված են ընդհանուր արժեքների եւ ամուր միջանձնային կապերի վրա, միայն ամրապնդվել են: Ավելի քան 60 000 հայկական ծագմամբ կանադացիներ ամեն օր իրենց կարեւոր ներդրումն են ունենում մեր երկրի կյանքում:

    Հայաստանն ու Կանադան սերտորեն համագործակցում են միջազգային կազմակերպություններում, այդ թվում՝ ՄԱԿ-ում եւ Ֆրանկոֆոնիայի միջազգային կազմակերպությունում: 2018-ին ինձ հաջողվեց այցելել Հայաստան եւ վարչապետ Նիկոլ Փաշինյանի հետ քննարկել մեր երկկողմ հարաբերությունների ամրապնդման հետագա ուղիները: Մենք ակնկալում ենք խորացնել մեր գործընկերությունը այնպիսի կարեւոր ոլորտներում, ինչպիսիք են գենդերային հավասարությունը եւ կանանց իրավունքների ու հնարավորությունների ընդլայնումն ու հզորացումը, առեւտուրը եւ ներդրումները, ինչպես նաեւ կլիմայի փոփոխությունը՝ ի շահ մեր երկու երկրներում ապրող մարդկանց:

    Կանադայի կառավարության անունից ես եւ Սոֆին բոլորին մաղթում ենք երջանիկ Անկախության օր»,- ասվում է հայտարարության մեջ:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Միջազգային լուրեր

    ՏԵՍՆԵԼ ԱՎԵԼԻՆ

    Տնտեսություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One