23:36:58 21°C
  • USD - 482.28 ֏
  • EUR - 568.13 ֏
  • RUB - 6.53 ֏
  • ԵԱՏՄ անդամ երկրները հետաքրքրված են կապիկի ծաղիկ հիվանդությունն ախտորոշող ռուսական թեստերով․ «Ռոսպոտրեբնադզոր»

    23:59 25 Մայիս 2022

    ԵԱՏՄ անդամ երկրների ներկայացուցիչները հետաքրքրություն են ցուցաբերել կապիկի ծաղիկ հիվանդությունը ախտորոշող ռուսական թեստերի նկատմամբ, հայտարարել է «Ռոսպոտրեբնադզորը»։ 

    ԵԱՏՄ սանիտարահամաճարակային բարեկեցության ոլորտում լիազորված մարմինների ղեկավարների նիստի արդյունքներն ամփոփող տեղեկագրում, որը տեղադրվել է կառույցի պաշտոնական կայքում, նշված է, որ գործընկեր երկրները մեծ հետաքրքրություն են ցուցաբերել, մասնավորապես, հիվանդության լաբորատոր ախտորոշման ռուսական թեստային համակարգերի, ինչպես նաև «Ռոսպոտրեբնադզորի» «Վեկտոր» գիտական կենտրոնի մշակած թեստային համակարգերի նկատմամբ։

     

    Նիստին մասնակցել են Հայաստանի, Բելառուսի, Ղազախստանի, Ղրղզստանի գլխավոր պետական սանիտարական բժիշկները, հրավիրված են եղել նաև Տաջիկստանի և Ուզբեկստանի սանիտարահամաճարակային բարեկեցության ոլորտում լիազորված մարմինների ղեկավարները։

    «Մասնակիցները քննարկել են ԵԱՏՄ անդամ երկրների տարածք, ինչպես նաև Տաջիկստանի և Ուզբեկստանի Հանրապետություններ վարակիչ հիվանդության ներթափանցման և տարածման կանխարգելմանն ուղղված հակահամաճարակային միջոցառումները։ Բոլոր երրներն ուժեղացրել են սահմանին սանիտարական և կարանտինային հսկողության միջոցառումները»,- նշված է հաղորդագրությունում։

    ԿԱՅՔԻ ՀԻՆ ՏԱՐԲԵՐԱԿ

    Լրահոս