«Այս ցուցանակը թափոն չպիտի դառնար»․ Արցախի ճանապարհին տեղադրված «Ազատ Արցախը ողջունում է Ձեզ» ցուցանակը տապալված է գետնին
Հայտնի է՝ ինչ վնաս է կրել Անվտանգության ակադեմիան հրդեհի հետեւանքով
ԱԽ քարտուղարը լիտվացի գործընկերներին է ներկայացրել Հայաստանի և Լեռնային Ղարաբաղի շուրջ ստեղծված անվտանգային միջավայրը
Լորան Վոքիեի գլխավորած պատվիրակությունն այցելել է Հայոց ցեղասպանության հուշահամալիր
Ամերիաբանկը ճանաչվել է Հայաստանի Լավագույն բանկը՝ ըստ Global Finance ամսագրի
Խաչատուրյան քույրերի հորը հետմահու կդատեն սեռական բռնության եւ պոռնոգրաֆիկ նյութեր պատրաստելու համար
Հայաստանի մի շարք մարզերում ձյուն է տեղում
Մհեր Սահակյանը մոտեցել է Վլադիմիր Վարդանյանին, ինչ-որ առարկայով հարվածել, որի արդյունքում վերջինս վայր է ընկել. ՔԿ-ն մանրամասներ է հայտնում
Ռուսաստանը ապրիլի 5-ից արգելել է Հայաստանից կաթնամթերքի մատակարարումները
Երբ Վ.Ալեքսանյանը բոլորի աչքի առաջ հարվածել էր ընդդիմադիր պատգամավորին, դրան չհետեւեց ոչ մի իրավական գործընթաց. Խամոյան

Կառավարությունը պետք է ստեղծի խթանիչ մեխանիզմներ, որ իրականություն դառնա ընտանիքում 3 երեխա ունենալու նպատակը. Ավինյան

17:25 23 Ապրիլ 2021

Ապրիլի 23-ին ՀՀ փոխվարչապետ Տիգրան Ավինյանի գլխավորությամբ կայացել է Ժողովրդագրական իրավիճակի բարելավման խորհրդի նիստը: Այս մասին տեղեկացնում է Ավինյանի գրասենյակը:

Բացման խոսքում փոխվարչապետը նշել է, որ 2020թ. կորոնավիրուսի համավարակը եւ Արցախի դեմ Ադրբեջանի սանձազերծած պատերազմը խաթարող ազդեցություն են ունեցել Հայաստանի սոցիալ-տնտեսական եւ ժողովրդագրական անվտանգության միջավայրի, ինչպես նաեւ հետագա կայուն զարգացման հնարավորությունների վրա: Հետեւաբար, ներկայումս առավել առաջնահերթ են դարձել ծնելիության բարձրացման, կյանքի տեւողության երկարացման եւ ամուսնությունների թվի ավելացման հարցերը:

Փոխվարչապետը հայտնել է, որ 2019թ. Խորհրդի ստեղծման օրվանից միջազգային գործընկերների հետ համագործակցության արդյունքում կառավարությունը պարբերաբար անդրադարձել է ժողովրդագրական իրավիճակի կանխատեսումներին եւ միջազգային լավագույն փորձին: Դրա արդյունքում մշակվել եւ կյանքի են կոչվել մի քանի ծրագրային փաթեթներ՝ միտված ծնելիության խրախուսմանը, երիտասարդ ու երեխաներ ունեցող ընտանիքների աջակցությանը եւ բնակարանային ապահովությանը: Այդ համատեքստում նա առանձնացրել է երեխայի ծննդյան միանվագ նպաստի չափի բարձրացումը, մինչեւ երկու տարեկան երեխայի խնամքի համար աշխատող մայրերին վճարվող ամսական նպաստի չափի ավելացումը, գյուղական բնակավայրերում երեխայի ծնվելու դեպքում ընտանիքներին մինչեւ երկու տարեկան երեխայի խնամքի նպաստի հատկացումը, ինչպես նաեւ «Երեխա ունեցող ընտանիքների բնակարանային ապահովության պետական աջակցության 2020-2023թթ. ծրագրերի» հաստատումը՝ 3 կոմպոնենտներով՝ «Միանվագ դրամական աջակցություն», «Կանխավճարի ապահովագրություն» եւ «Երեխայի ծննդյան աջակցություն»:

Տիգրան Ավինյանը միաժամանակ շեշտել է, որ անհրաժեշտ է բարեփոխումներին շարունակական բնույթ հաղորդել: Ըստ նրա՝ ժողովրդագրական վիճակի բարելավման քաղաքականության հարցում կառավարությունը պետք է լինի հավակնոտ՝ ստեղծելով խթանիչ մեխանիզմներ, որպեսզի իրականություն դառնա ամեն հայ ընտանիքում առնվազն 3 երեխա ունենալու նվազագույն նպատակը:

Նիստի ժամանակ ներկայացվել է նաեւ ժողովրդագրական ընթացիկ իրավիճակի վիճակագրությունը: Քննարկվել են Հայաստանի ժողովրդագրական մարտահրավերները եւ լուծումների հնարավոր ուղիները: Բովանդակային անդրադարձ է կատարվել «Բազմազավակ ընտանիքների մասին» ՀՀ օրենքի եւ «Վերադարձի եւ հայրենադարձության աջակցության ծրագրի» նախագծերին:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Միջազգային լուրեր

ՏԵՍՆԵԼ ԱՎԵԼԻՆ

Տնտեսություն

ՏԵՍՆԵԼ ԱՎԵԼԻՆ