Կայացավ «Տարվա Լավագույն Կամավոր 2018» մրցանակաբաշխությունը

16:05 6 Դեկտեմբեր 2018

Դեկտեմբերի 5-ին՝ Կամավորների միջազգային օրը,կայացավ «Տարվա Լավագույն Կամավոր 2018» մրցանակաբաշխությունը:

«Հայ Կամավորների բանկ»-ԵՀԿ նախագահ Մարինե Եղոյանը խոսեց նախորդ տարում իրականացված ծրագրերի և համագործակցութունների մասին:Ինչպես նաև շնորհակալություն հայտնեց բոլոր այն կամավորներին, ովքեր կամավորական տարբեր աշխատանքներում ընդգրկված են եղել:

«Մենք առհասարակ օգնություն տանել չենք սիրում, փոխարենը՝ մարդկանց օրը այլ դարձնել», - ասաց Մարինե Եղոյանը, ավելացնելով , որ կամավորների կատարած աշխատանքը անգնահատելի է:

Միջոցառման ընթացքում խոսվեց նաև գալիք տարվա ծրագրերի և անելիքների մասին:

«Տարվա Լավագույն Կամավոր 2018» -ի հատուկ հյուրերն էին ՀՀ սպորտի և երիտասարդության հարցերի նախարարության երիտասարդության գծով փոխնախարար Քրիստինե Ասատրյանը և ՀՀ աշխատանքի և սոցիալական հարցերի նախարարության Աշխատանքի և զբաղվածության վարչության պետ Ժորա Սարգսյանը:

«Կամավորությունը հրաշալի գործիք է երիտասարդական ակտիվ մասնակցությունը խրախուսելու համար», - ասաց Քրիստինե Ասատրյանը : Փոխնախարարը նաև շնորհակալություն հայտնեց կամավորներին հանրօգուտ աշխատանքի համար, կամավորությունը համարելով համամարդկային երևույթ:

«Անձի զարգացման համար շատ կարևոր երևույթ է կամավորությունը: Կամավորության միջոցով մենք կարողանում ենք դրական էներգիա փոխանցել և ստանալ»,- ասաց Քրիստինե Ասատրյանը:

«Կամավորների դերն ու նշանակությունը ցանկացած երկրի տնտեսության գործում բավականին մեծ է , այդ իսկ պատճառով Սոցիալական հարցերի նախարարությունը ստանձնեց քաղաքականության մեջ մի ուղի, որը վերաբերում էր կարգավորելու կամավորական գործունեությունը ՀՀ-ում : Մենք պարզապես ցանկանում ենք, որ այս ամենը կարգավորվի օրենքով»,- նշեց Ժորա Սարգսյանը:

Հանդիպման հաջորդ հատվածում ամփոփվեցին «Տարվա Լավագույն Կամավոր 2018» մրցանակաբաշխության արդյունքները: Ներկայացված էր 4 անվանակարգ և 1 հատուկ մրցանակ: Կազմակերպիչները նշեցին, որ շատ բարդ էր կատարել ընտրություն ներկայացված 87 հայտից:

«Սոցիալ-Կրթական ոլորտում Տարվա Լավագույն Կամավոր» անվանակարգում հաղթող ճանաչվեց Լաուրա Գրիգորյանը, «Տարվա Ամենաակտիվ Կամավոր» անվանակարգում հաղթող ճանաչվեց Հայկուհի Ավագյանը, «Կրթամշակութային ոլորտում Տարվա Լավագույն Կամավոր» հաղթող ճանաչվեց Ալմիրա Նիկողոսյանը: «Տարվա ԱմենաՄարդասիրական Կամավորական Նախաձեռնություն» անվանակարգում հաղթող ճանաչվեց Անի Ամիրջանյանը:

Եվ վերջում, «Տարվա Լավագույն Կամավոր» անվանակարգում հաղթող ճանաչվեց Աշոտ Գաբրիելյանը:

Քնարիկ Մամիկոնյան

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ