Կայացել է առողջ ապրելակերպի և մասսայական սպորտի հիմնախնդիրներին նվիրված քննարկում

12:31 22 Հունվար 2018

ՀՀ սպորտի և երիտասարդության հարցերի նախարարության մասսայական սպորտի և ֆիզիկական դաստիարակության քաղաքականության վարչության պետ Լևոն Վահրադյանը մասնակցել է Հայաստանի պետական տնտեսագիտական համալսարանում (ՀՊՏՀ) կայացած ուսանողական սպորտի, առողջ ապրելակերպի և մասսայական սպորտի հիմնախնդիրներին նվիրված քննարկմանը:

Լ. Վահրադյանը ներկայացրել է ՀՀ սպորտի և երիտասարդության հարցերի նախարարությունում մասսայական սպորտի, այդ թվում նաև՝ ուսանողական սպորտի զարգացման ուղղությամբ տարվող աշխատանքները: «Նախարարությունում իրականացվող ծրագրերի շարքում նախատեսվում է 2017 թվականին առաջին անգամ Հայաստանի Հանարպետությունում անցկացված ուսանողական խաղերը դարձնել միջազգային՝ ընդգրկելով այլ երկրների ուսանողների: Մեր նախարարությունը կարևորում է բուհերում մարզական ակումբների ձևավորումը: Դրանց գործունեության ակտիվացման նպատակով ընթացիկ տարում ՀՀ սպորտի և երիտասարդության հարցերի նախարարությունում կանցկացվեն մասնագիտական քննարկումներ և լսումներ»,- ասել է վարչության պետը:

Ուսանողական խաղերը կազմակերպվելու են եռակողմ՝ ՀՀ կրթության և գիտության նախարարության, ՀՀ սպորտի և երիտասարդության հարցերի նախարարության և ՀՀ ուսանողական մարզական ֆեդերացիայի համագործակցությամբ:

ՀՊՏՀ-ում կայացած քննարկմանը մասնակցել են նաև բուհերի ֆիզդաստիարակության ամբիոնների վարիչներ, մարզական ոլորտի ներկայացուցիչներ, լրագրողներ:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխկապակցված նորություններ

Քաղաքականություն

ՏԵՍՆԵԼ ԱՎԵԼԻՆ