05:58:55 22°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Կփորձեմ այս տարի դառնալ կրկնակի օլիմպիական չեմպիոն. Արթուր Ալեքսանյան

    11:41 21 Փետրվար 2020

    Կփորձեմ, ինձնից ինչ կախված է կանեմ, որպեսզի այս տարի դառնամ կրկնակի օլիմպիական չեմպիոն: Այս մասին այսօր ՀՀ նախագահի նստավայրում տարվա 10 լավագույն մարզիկների պարգևատրման արարողությունից հետո լրագրողների հետ զրույցում ասաց հունահռոմեական ոճի ըմբշամարտիկ, օլիմպիական չեմպիոն, աշխարհի եռակի ոսկե մեդալակիր, Եվրոպայի առաջնության 5-ակի չեմպիոն Արթուր Ալեքսանյանը:

    «2-րդ օլիմպիական ոսկին նվաճելու հարցում ինձ մոտիվացնում է ժողովուրդը, այն մարդիկ, ովքեր ինձ դրսում տեսնում են, մոտենում են ու շնորհավորում, հենց դրանով էլ ես մոտիվացվում եմ»,- ասաց ըմբշամարտիկը:

     

    Վարչապետ Նիկոլ Փաշինյանը պարգևատրման արարողության իր ելույթում հայտարարեց Հայաստանի սպորտային նպատակների մասին է, այն է՝ մինչև 2050թ. օլիմպիական 25 ոսկե մեդալ պետք է նվաճել: Արթուր Ալեքսանյանը դժվարացավ ասել, թե մինչև 2050թ. քանի օլիմպիական չեմպիոն կունենա Հայաստանը, բայց վստահ է, որ շատ չեմպիոններ կլինեն:

    «Մենք զգում ենք ՀՀ կառավարության, Օլիմպիական կոմիտեի ուշադրությունը: Իմ կարծիքով՝ ամենակարևորը պետք է քրտնաջան աշխատել, մարզիկներն իրենց առջև դնեն նպատակ, հասնեն այդ նպատակին և մենք կունենանք լավ արդյունքներ: Այդ 25-ից մի քանի ոսկին, որ իմը լինի, շատ լավ կլինի»,- նշեց Արթուր Ալեքսանյանը:

    Օրերս Եվրոպայի առաջնությունում նվաճած 5-րդ ոսկին Արթուր Ալեքսանյանը նվիրել էր մեկնաբան Կարեն Գիլոյանին: Այսօր հարցին, թե չեք ափսոսում, որ նվիրել եք Ձեր նվաճած ոսկե մեդալը, ըմբշամարտիկը պատասխանեց. «Չեմ ափսոսում, խոստացել էի, որ 5-րդ ոսկին Կարեն Գիլոյանին պետք է տամ, նվաճեցի և տվեցի: Ինձ մոտ է, թե Գիլոյանի մոտ է, կարևոր չէ, կարևորը այդ ոսկին Հայաստանում է»:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Քաղաքականություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One