23:53:17 14°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Կրեմլը մեկնաբանել է Պետդեպի՝ Արցախում միջազգային դիտորդական առաքելություն ստեղծելու գաղափարը

    15:42 26 Սեպտեմբեր 2023

    Լեռնային Ղարաբաղում միջազգային դիտորդական առաքելություն ստեղծելու ԱՄՆ-ի գաղափարի մեջ Կրեմլը դեռ կոնկրետություն չի տեսնում։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը։

    «Ոչ, մենք այստեղ դեռ որևէ կոնկրետություն չենք տեսնում, և հետո ցանկացած առաքելություն կարող է լինել միայն ադրբեջանական կողմի համաձայնությամբ»,-ասել է նա:

    Նա նշել է, որ ռուս խաղաղապահները մտադիր են շարունակել աջակցել արցախյան հակամարտության կարգավորմանը՝ իրենց գործող մանդատի համաձայն։

    Ավելի վաղ ԱՄՆ պետքարտուղարության մամուլի քարտուղարը հայտարարել էր, որ պետք է լինի միջազգային առաքելություն՝ ապահովելու թափանցիկություն, հավաստիացում և վստահություն ԱՀ բնակիչներին և միջազգային հանրությանը, որ նրանց իրավունքները և անվտանգությունը կպաշտպանվեն, ինչպես որ հրապարակավ հայտարարել է Ադրբեջանը։

    ԿԱՅՔԻ ՀԻՆ ՏԱՐԲԵՐԱԿ

    Լրահոս