20:42:01 24°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Փաստաբանը հայտնում է արցախցի 18-ամյա Մարատ Հակոբյանի ձերբակալության մանրամասները

    18:17 1 Հոկտեմբեր 2023

    Փաստաբան Արսեն Բաբայանը մանրամասներ է հայտնել Նիկոլ Փաշինյանի հեռացման պահանջով ցույցին բերման ենթարկված 18-ամյա արցախցի երիտասարդի գործից․

    «Շուրջ 10-ն ամիս է ակտիվ զբաղվում եմ փաստաբանությամբ։ Այս ընթացքում հասցրել եմ տասնյակ գործերով խորությամբ ճանաչել ՀՀ իրավապահ համակարգը և դատական իշխանությունը։ Հենց այդ ճանաչելս ինձ հաստատապես հուշում է, որ արդեն 4 օր հարուցածս միջնորդությունը դատախազությունը մերժելու է և 18–ամյա արցախցի Մարատ Հակոբյանին թույլ չի տալու տեսակցել մորը։ Եվ քանի որ այդպես է ու երեկ խոստացա՝

    եկեք ձեզ կարճ պատմեմ արցախցի 18-ամյա Մարատ Հակոբյանի ձերբակալության որոշ մանրամասներ, որպեսզի լավ պատկերացնեք ապօրինությունների աստիճանը։

    Քրեադատավարական օրենսդրությունը նախատեսում է այն դեպքերը, երբ անձին կարող են ձերբակալ։ Դրանցից է, օրինակ՝ անձը հանցանք կատարած լինելու անմիջականորեն ծագած հիմնավոր կասկածի առկայության դեպքում կարող է ձերբակալվել, եթե ականատեսն ուղղակի մատնանշում է տվյալ անձին որպես քրեական օրենքով նախատեսված արարքը կատարողի։

    Ավելի պարզ ասած՝ երբ ոստիկանության ծառայողն իր ծառայությունն իրականացնելիս նկատում է հանցագործություն, անմիջապես մոտենում է դեպքի վայրին, որպեսզի բռնի ենթադրյալ հանցագործին, բայց չգիտի, թե ով է հավաքվածներից հանցանք կատարողը ու այդ պահին ականատեսը (այսինքն մի վկա, ով տեղում է և անձամբ տեսել է) ցույց է տալիս հանցագործին։ Այդ ցույց տված կասկածյալին ոստիկանը ձերբակալում է և տեղափոխում է ոստիկանություն, այդ մասին կազմելով արձանագրություն։

    Հիմա Մարատին ձերբակալելու մասին քննիչի որոշման մեջ հենց սա է գրված։ Այսինքն քննիչը գրել է, որ Մարատին ականատեսն է ցույց տվել։

    Բայց պարզվում է, և դատարանում էլ ապացուցել եմ, որ Մարատը ձերբակալվել է ոստիկանության բաժնում, ուր անձամբ և ինքնակամ էր գնացել։

    Մարատը ենթադրյալ դեպքի հաջորդ օրը գնացել է դասի։ Այնտեղ տնօրենից տեղեկացել է, որ ոստիկանությունից իրեն են հարցրել և որպես օրինապաշտ քաղաքացի որոշել է անձամբ ներկայանալ ոստիկանության համապատասխան բաժին։ Հենց այդպես էլ արել է։ Անձամբ, իր ոտքով գնացել և մտել է ոստիկանության շենք ու հայտնել, որ ինքը Մարատ Հակոբյանն է ում փնտրում է ոստիկանությունը»,- գրել է Բաբայանը։ 

    ԿԱՅՔԻ ՀԻՆ ՏԱՐԲԵՐԱԿ

    Լրահոս