Նիկո՛լ, ստում ես, ՀՀ-ն այլևս բռնատիրական երկիր է. Մետաքսե Հակոբյան

14:10 3 Դեկտեմբեր 2024

ԱՀ ԱԺ պատգամավոր Մետաքսե Հակոբյանը ֆեյսբուքյան իր էջում գրում է. «Նիկո՛լ, ստում ես, կեղծում և խեղաթյուրում ես անցյալը, ներկան և, ընդհանրապես, իրականությունը։ Դու իշխանության ես, քանզի ներկայիս Հայաստանի Հանրապետության, որպես պետության նպատակները, իղձերն ու երազանքները ձևակերպված են մեկ նախադասությամբ. «Նիկոլը պիտի պահի իշխանությունը»։

ՀՀ-ն այլևս բռնատիրական երկիր է, բոլոր կարմիր գծերը հատված են, այստեղ իշխանությունները հետապնդում են այլակարծության համար, հայհոյում ու բռնության կոչեր են անում ժողովրդի արդեն իսկ մեծ հատվածի նկատմամբ, պայթուցիկներ են նետում, ովքեր հակառակ են իրենց…ովքեր փաստարկված հիմնավորում են. մեր փրկության, Արցախ ու Հայաստան ունենալու հույսը այս ու նման իշխանությունների չլինելն է։

Իսկ Արցախի Հանրապետությունը թեկուզ և չճանաչված, սակայն բոլոր առումներով կայացած էր, քան ճանաչված Ադրբեջանը։ Արցախի Հանրապետությունը միայն պաշտպանության կարիք ուներ, ինչը կար «նախկինների» օրոք։

Եվ վերջում, եթե դեռ դու Հայաստանի Հանրապետության վարչապետ ես, դա նշանակում է, որ Հայաստանի Հանրապետությունը դեռ չի հաջողել…

Դու չէ, սակայն մենք ենք ունենալու, մենք ենք ապրելու ուժեղ ու անվտանգ Հայաստանում և հայկական Արցախում…»։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Նիկո՛լ, ստում ես, ՀՀ-ն այլևս բռնատիրական երկիր է. Մետաքսե Հակոբյան

Լրահոս

Փոխկապակցված նորություններ

Միջազգային լուրեր

Տնտեսություն