07:36:43 -1°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Նմանատիպ միջադեպեր էլի կլինեն.պետք է սառնասրտորեն մոտենանք և տանք համապատասխան արձագանք.Հովիկ Աղազարյանը՝ ադրբեջանցիների կողմից Լաչինի միջանցքը փակելու մասին

    15:51 5 Դեկտեմբեր 2022

    Նմանատիպ միջադեպեր, սադրանքներ էլի կլինեն: Դրանք նպատակ ունենեն անհարմարություններ ստեղծել մեր հայրենակիցների համար և հայաթափել Արցախը: Հետևաբար, նման սադրանքներին պետք է սառնասրտորեն մոտենանք և տանք համապատասխան արձագանք։ Այս մասին լրագրողների հետ զրույցում ասել է «Քաղաքացիական պայմանագիր» խմբակցության պատգամավոր Հովիկ Աղազարյանը՝ անդրադառնալով շաբաթ օրը մի խումբ ադրբեջանցիների կողմից Արցախը Հայաստանին կապող մայրուղին մի քանի ժամով փակելուն.

    «Մինչև միջազգայնորեն չլուծվի Արցախի ժողովրդի ինքնորոշման իրավունքի իրացման հարցը, այդ միջադեպերը լինելու են։ Այն ժամանակ էլ, երբ ապրում էին հարևանությամբ, նմանատիպ միջադեպեր լինում էին, ես շատ էի Արցախ գնում, գիտեմ, հիմա կոնֆլիկտները ավելի տաքացած վիճակում են։ Չպետք է երանգավորել այս հարցը, որ ինչ-որ արտառոց բան է եղել»,- ասաց Աղազարյանը։

    Նա նաև ասաց, թե չի հավատում, որ ճանապարհը փակածները բնապահպաններ են եղել.

    «Եթե իրենք դեռ երկու շաբաթ առաջ անհանգստություն են ունեցել, որ այդտեղով զենք-զինամթերք է տեղափոխվել, ապա այդ հարցերը իրենք պետք է ճշգրտեն խաղաղապահ ուժերի հետ»,- հավելեց ՔՊ-ական պատագմավորը:

    ԿԱՅՔԻ ՀԻՆ ՏԱՐԲԵՐԱԿ

    Լրահոս