20:32:10 24°C
  • USD - 482.28 ֏
  • EUR - 568.13 ֏
  • RUB - 6.53 ֏
  • «Հայաստանի ղեկավար լինելը, Նիկո՛լ Փաշինյան, քո «հագով չի», թող գնա»․ Օսկանյանը Փաշինյանին կոչ է անում սթափվել

    18:50 28 Սեպտեմբեր 2023

    Արցախի նախագահը որոշում է ստորագրել, որով Արցախ որպես հանրապետություն լուծարվում է, վստահ եմ՝ շատերի համար հարցը փակված է համարվում, ինձ համար հարցը փակված չէ, չի էլ կարող փակվել, իր ֆեյսբուքյան էջում հրապարակած տեսանյութում ասում է ՀՀ նախկին ԱԳ նախարար Վարդան Օսկանյանը։

    «Այն, ինչ կատարվում է ինչ-որ իշխանության ժամանակ, այդ իշխանության պատասխանատվությունն է։ Սա փաստ է։ Դրանից խուսափել չկա։ Այս փաստը ավելի հիմնավորվում է, երբ տեսնում, հիշում ես ակնհայտ սխալներ, որոնք այս իշխանության կողմից արվել են։ Այն, ինչ կատարվեց Արցախում, ունի մեկ պատասխանատու, մեկ մեղավոր՝ Նիկոլ Փաշինյանն է, նրա փոքր խումբը։ Նրանց սխալների արդյունքում, որոշները կասեն՝ միտումների արդյունքում, մեր ժողովրդի գլխին բերվեց այս մեծ ողբերգությունը։
    Եթե Նիկոլ Փաշինյանը լիներ հմուտ ղեկավար, այս վիճակում չէինք լինի», - ասում է նա։

    Օսկանյանն ընդգծում է՝ Փաշինյանը սխալներով դեմ գնաց պատմական օրինաչափություններին։ Ըստ նրա՝ ԼՂ հարցում պատմական օրինաչափությունները մեր օգտին էին՝ պատերազմից առաջ ու պատերազմից հետո։

    «Հայաստանի ղեկավար լինելը, Նիկո՛լ Փաշինյան, քո «հագով չէ», դու չես կարողանում դա անել։ Քո մնալով այս ժողովուրդը խեղդամահ է լինում, թող գնա՝ շնչի այս ժողովուրդը։ Գիտեմ՝ չես գնա, եթե մնում ես, գոնե, այս հարցերին տեր կանգնիր, սթափվի՛ր մի քիչ», - դիմելով վարչապետին՝ ասում է նախկին նախարարը։

    Օսկանյանն անդրադառնում է նաև Ռուբեն Վարդանյանին ու Դավիթ Բաբայանին։

    Մանրամասները՝ տեսանյութում

    ԿԱՅՔԻ ՀԻՆ ՏԱՐԲԵՐԱԿ

    Լրահոս