05:19:38 26°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Փարաջանովի շունչը՝ Գյումրու Սերգեյ Մերկուրովի տուն-թանգարանի հարկի ներքո

    15:58 12 Մայիս 2024

    Գյումրու Սերգեյ Մերկուրովի տուն-թանգարանի հարկի ներքո մայիսի 11-ից կգործի  «Փարաջանով 100» խորագիրը կրող լուսանկարչական ցուցահանդեսը։ Ինչպես տեղեկացնում է «Արմենպրես»-ը, նախաձեռնությունը համատեղ է՝  Փարաջանովի և «Գյումրու ժողովրդական ճարտարապետության և քաղաքային կենցաղի» թանգարաններինը՝ նվիրված  Սերգեյ Փարաջանովի 100-ամյակին։

    «Համատեղ ցուցահանդես կազմակերպելու գաղափարը հղացվել էր դեռևս մեկ տարի առաջ, ինչը, հանգամանքների բերումով, հնարավոր դարձավ իրագործել այս տարի` կինոռեժիսորի 100-ամյակին նվիրված միջոցառումների շրջանակներում։ Ցուցահանդեսը կգործի մինչև այս տարվա սեպտեմբեր»,- «Արմենպրես»-ին նշեց «Գյումրու ժողովրդական ճարտարապետության և քաղաքային կենցաղի» թանգարանների տնօրեն Անի Նազարյանը՝ տեղեկացնելով, որ ներկայացված են Փարաջանովի անձնական լուսանկարներից, լուսանկարներ ֆիլմերից, ինչպես նաև ֆիլմերի հագուստների էսքիզներ:

    Մինչև սեպտեմբեր Գյումրիում ապրող արվեստասեր հանրությանն ու քաղաքի հյուրերին հնարավորություն կտրվի լուսանկարների միջոցով վայելել կինոռեժիսորի ստեղծագործություններն  ու ծանոթանալ նրա առօրյային:

    ԿԱՅՔԻ ՀԻՆ ՏԱՐԲԵՐԱԿ

    Լրահոս