23:00:03 15°C
  • USD - 482.28 ֏
  • EUR - 568.13 ֏
  • RUB - 6.53 ֏
  • «Պաշարվածները». դիտե'ք ONLINE

    10:11 27 Փետրվար 2017

    ՀՀ նախագահի աշխատակազմի «Հանրային կապերի և տեղեկատվության կենտրոնի» պատրաստած «Պաշարվածները» փաստավավերագրական ֆիլմը պատմում է 1991-92 թթ. Ադրբեջանի կողմից շրջափակման մեջ առնված Ստեփանակերտում տիրող վիճակի մասին: Արցախի հայ խաղաղ բնակչությանը ոչնչացնելու նպատակով Ադրբեջանը բոլոր կողմերից գնդակոծում էր մայրաքաղաք Ստեփանակերտը, իսկ Արցախի միակ օդանավակայանը, որը գտնվում է Խոջալուում, գրավված էր ադրբեջանական ՕՄՕՆ-ի կողմից: Արցախը զրկվել էր արտաքին աշխարհի հետ օդային կապից, ինքնաթիռները չէին կարողանում սնունդ, դեղորայք, կենսապահովման համար անրաժեշտ ապրանքներ հասցնել Ստեփանակերտ: Ադրբեջանական կրակակետերից «Գրադ» կայանքով ռմբակոծվող Ստեփանակերտի բնակիչները ապաստանել էին շենքերի նկուղներում, իսկ ինքնապաշտպանության ուժերը մարտեր էին մղում՝ հերթով վերացնելով ադրբեջանական այն կրակակետերը, որոնցից ռմբակոծվում էր Ստեփանակերտը: Ֆիլմը ներկայացնում է այդ օրերի ականատեսների վկայությունները: Օգտագործվել են բացառիկ արխիվային կադրեր, որոնք «Հանրային կապերի և տեղեկատվության կենտրոնին» են տրամադրել վավերագրող օպերատորներ Բենիկ Ղարախանյանը, Գագիկ Սիմոնյանը, ինչպես նաև օգտագործվել են կադրեր Տիգրան Գևորգյանի, Սվետլանա Կուլչինսկայայի նկարահանումներից և «Բարս Մեդիայի» տրամադրած տեսաարխիվից:


    ԿԱՅՔԻ ՀԻՆ ՏԱՐԲԵՐԱԿ

    Լրահոս