Շվեյցարիայի գագաթնաժողովում Ուկրաինայում խաղաղության հարցը չի քննարկվում. Պեսկով

17:28 15 Հունիս 2024

ՌԴ նախագահի մամուլի քարտուղար Դմիտրի Պեսկովը «ՌԻԱ Նովոստի»-ին ասել է, որ Ուկրաինայում խաղաղության հարցը Շվեյցարիայի գագաթնաժողովում չի քննարկվի, և ՌԴ նախագահ Վլադիմիր Պուտինի՝ զինադադարի մասին առաջարկը օրակարգում չի լինի։

«Ուկրաինայում խաղաղության հարցը Շվեյցարիայում չի քննարկվում: Շվեյցարիայում քննարկվում են հումանիտար բնույթի հարցեր», -ասել է Պեսկովը՝ պատասխանելով հարցին, թե եթե շաբաթ օրը Շվեյցարիայում մերժվի բանակցելու Ռուսաստանի առաջարկը, կարելի՞ է համարել, որ այդ հարցը կփակվի։

Հիշեցնենք՝ Շվեյցարիայում այսօր մեկնարկում է Ուկրաինայի հարցով գագաթնաժողովը: Գագաթնաժողովին կմասնակցի 100 պատվիրակություն, այդ թվում՝ 57 պետությունների և կառավարությունների ղեկավարներ։ Ռուսաստանն այս միջոցառմանը հրավիրված չէ։

Պաշտոնական Մոսկվան հայտարարել է, թե այս միջոցառումը «ճանապարհ է դեպի ոչ մի տեղ» և որևէ կերպ չի նպաստի խաղաղության հաստատմանը: Ավելի վաղ Ռուսաստանի նախագահը նշել էր Կիևի հետ խաղաղ բանակցությունների պայմանները։ Վլադիմիր Պուտինի խոսքով՝ Ռուսաստանը պատրաստ է բանակցություններ սկսել պայմանով, որ Ուկրաինայի զինված ուժերը դուրս գան Դոնեցկի և Լուգանսկի Ժողովրդական Հանրապետություններից, Զապորոժիեի և Խերսոնի շրջաններից: Բացի այդ, Կիևը պետք պետք է հրաժարվի ՆԱՏՕ-ին անդամակցելու ծրագրերից։

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Շվեյցարիայի գագաթնաժողովում Ուկրաինայում խաղաղության հարցը չի քննարկվում. Պեսկով

Լրահոս

Փոխկապակցված նորություններ

Տնտեսություն

Հասարակություն