Փոխվարչապետ Տիգրան Խաչատրյանն ընդունել է Հայաստանում ՄԱԿ նորանշանակ մշտական համակարգողին

17:10 20 Հունիս 2024

Փոխվարչապետ Տիգրան Խաչատրյանն ընդունել է Հայաստանում ՄԱԿ-ի գրասենյակի մշտական համակարգող, ՄԱԿ-ի անվտանգության հարցերով պատասխանատու Ֆրանսուազ Ժակոբին:

Ողջունելով հյուրին՝ փոխվարչապետը շնորհավորել է նրան պատասխանատու պաշտոնում նշանակվելու կապակցությամբ և հաջողություններ մաղթել հետագա աշխատանքում:

Հանդիպման ընթացքում կողմերը կարևորել են Լեռնային Ղարաբաղից բռնի տեղահանված անձանց առաջնային կարիքների հասցեագրմանը զուգահեռ վերջիններիս համար երկարաժամկետ կայուն կենսապայմաններ ապահովելուն ուղղված աշխատանքների շարունակականությունը: Այս գործընթացում փոխվարչապետը հատուկ ընդգծել է ՄԱԿ կառույցների հետ ձևավորված համակարգման ձևաչափի նշանակությունը՝ կարևորելով այն առավելապես զբաղվածության և կենսապահովման ուղղություններով կենտրոնացնելու անհրաժեշտությունը:

Անդրադարձ է կատարվել նաև մայիսի 25-26-ը Հայաստանի հյուսիսային շրջաններում տեղի ունեցած ջրհեղեղների հետևանքով Լոռու և Տավուշի մարզերի քաղաքային և գյուղական բնակավայրերի կրած վնասների գնահատման և դրանց հասցեագրման ուղղությամբ անհրաժեշտ համագործակցությանը:

Զրուցակիցները քննարկել են նաև կայուն զարգացման օրակարգին, այդ թվում՝ Հայաստանի կանաչ փոխակերպմանը վերաբերող հարցերի լայն շրջանակ:

ԿԱՅՔԻ ՀԻՆ ՏԱՐԲԵՐԱԿ

Լրահոս

ՏԵՍՆԵԼ ԱՎԵԼԻՆ

Փոխվարչապետ Տիգրան Խաչատրյանն ընդունել է Հայաստանում ՄԱԿ նորանշանակ մշտական համակարգողին

Լրահոս

Փոխկապակցված նորություններ

Միջազգային լուրեր

Տնտեսություն