15:05:56 0°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Մոսկվայում կանցկացվի «Ռուսաստան-Հայաստան» առաջին հանրային ֆորումը

    12:28 9 Դեկտեմբեր 2023

    Դեկտեմբերի 15-ին Մոսկվայում կանցկացվի «Ռուսաստան-Հայաստան» առաջին հասարակական ֆորումը, որին կմասնակցեն երկու երկրների հասարակական կարծիք ձևավորող ավելի քան 300 վերլուծաբաններ։
    Միջոցառման կազմակերպիչներն են Ռուսաստանի Դաշնության հանրային պալատը, «Միասին» հասարակական կազմակերպությունը և «Միջազգային համագործակցության առաջնորդներ» անկախ ոչ առևտրային կազմակերպությունը: Ֆորումին սպասվում է բարձրաստիճան հյուրերի մասնակցություն։ Քննարկումը ծավալվելու է «Պատմական հիշողության պահպանումը որպես Ռուսաստանի և Հայաստանի միջև երկարաժամկետ համագործակցության զարգացման հիմք», «Հանրային դիվանագիտության դերն ու տեղը երկկողմ հարաբերությունների զարգացման գործում», «ԶԼՄ-ները՝ քաղաքական փոխգործակցության պատկերներ ստեղծման գործի անբաժանելի մաս» թեմաների շուրջ:

    «Միջազգային հարաբերությունների համակարգի վերափոխումը ներկա փուլում թելադրում է համագործակցության ընդլայնման և Ռուսաստանի և Հայաստանի միջև փոխգործակցության բոլոր խոչընդոտների հաղթահարման անհրաժեշտությունը։ Երկու պետությունների միջև դաշնակցային հարաբերությունների ռազմավարական բնույթն արտահայտված է բոլոր մակարդակներում՝ տնտեսությունից և անվտանգությունից մինչև կրթություն և մշակույթ։ Ռուսաստան-Հայաստան հանրային համաժողովը կարևոր մեկնարկային կետ կդառնա երկու պետությունների միջև երկխոսության նոր փուլի համար։ Համաժողովի շրջանակում փորձի փոխանակումը և համատեղ նախագծերի մշակումը կարևոր դեր կխաղան համագործակցության նոր մեխանիզմների ստեղծման և Ռուսաստանի և Հայաստանի միջև փոխգործակցության գոյություն ունեցող ձևաչափերի ամրապնդման գործում»,- ֆորումի մամուլի ծառայությունը մեջբերում է ֆորումի կազմակերպիչ Մհեր Ավետիսյանի խոսքերը։

    Կազմակերպիչները նշում են, որ միջոցառման շրջանակներում տեղի կունենան լիագումար և թեմատիկ նիստեր, երկկողմ նախագծերի ներկայացում, համագործակցության համաձայնագրերի ստորագրում և բանաձևի ձևավորում։

    ԿԱՅՔԻ ՀԻՆ ՏԱՐԲԵՐԱԿ

    Լրահոս