07:04:29 -1°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Եթե ադրբեջանցիները մեկ անգամ իրենց մռութին ստանան, այլևս առաջ չեն գա ՀՀ-ում կամ Արցախում․ Օհանյան

    14:02 5 Դեկտեմբեր 2022

    44-օրյա պատերազմից հետո սադրանքները, պարտադրանքները Ադրբեջանի իշխանությունների կողմից Հայաստանի և Արցախի նկատմամբ շարունակվում են: Այդ մասին լրագրողների հետ զրույցում ասաց «Հայաստան» խմբակցության ղեկավար, Պաշտպանության նախկին նախարար Սեյրան Օհանյանը՝ ավելացնելով․«Եթե ադրբեջանցիները մեկ անգամ իրենց մռութին ստանան, այլևս առաջ չեն գա ՀՀ-ում կամ Արցախում»։

    Խոսելով օրերս տեղի ունեցած միջադեպի մասին, երբ ադրբեջանցիները ներկայանալով իբրև բնապահպաններ, կեղծ պատճառաբանություններով փակել էին Հայաստան-Արցախ միակ մայրուղին Օհանյանը նշեց՝ դատելով նրանց տեսքից՝ ադրբեջանցի սադրիչների մեծ մասը զինվորականներ էին

    «Հայաստանի իշխանությունները պետք է Արցախի գոյության հայեցակարգ մշակեն, ուղղություններից մեկն էլ պետք է լինի արտաքին քաղաքականությունը, որի միջոցով պետք է հստակեցվեն հարաբերությունները խաղաղապահ ուժերի հետ: Իշխանություններին թվում է՝ եթե լռենք, չըմբոստանանք, մեր շահերն առաջ չտանենք, թուրք-ադրբեջանական տանդեմը հանգստանալու է, բայց, ընդհակառակը, ախորժակն ուտելու ժամանակ է բացվում, նրանց շարունակական ճնշումներն Արցախի և Հայաստանի նկատմամբ շարունակվելու են», -  ասաց նա։

    Սեյրան Օհանյանը նաև հիշեցրեց, որ թեև գերիների և պատանդների հարցերով զբաղվող հանձնաժողով է ստեղծվել, բայց միայն վերջին մեկ ամսում է հանձնաժողովը ԱԱԾ պետի գլխավորությամբ նիստեր անցկացնում.

    «Շուրջ երկու տարի այդ գործընթացը հատվածական ձևով են իրականացրել՝ ամեն գերատեսչություն իր մասով, բայց պետական հանձնաժողովը չի աշխատել:

    Մենք շաբաթ օրը եղել ենք Վարդենիսում, զոհվածի ընտանիքում ենք եղել, որի մարմինը սեպտեմբերի 13-ի մարտական գործողություններից հետո մնում է միջդիրքային տարածությունում, մինչև հիմա այդ մարմինը չեն կարողանում հանել»։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Տնտեսություն

    ՏԵՍՆԵԼ ԱՎԵԼԻՆ

    Հասարակություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One