02:32:44 16°C
  • USD - 482.28 ֏
  • EUR - 568.13 ֏
  • RUB - 6.53 ֏

    • «Ես միայն երկու տղամարդու եմ սիրել»․ Շերի խոստովանությունը

    00:00 24 Մարտ 2023

    Շերի սիրային նվաճումների ցանկն ապշեցուցիչ է՝ սկսած հոլիվուդյան թագավորական ընտանիքից մինչեւ ռոք Աստվածներ, բայց նա իր կյանքում միայն երկուսին է իսկապես սիրել, գրում է OK!-ը:

    «Ես ունեցել եմ լավագույն սիրեկանները: Ցուցակը երկար չէ։ Դա պարզապես լավ ցուցակ է», - ասել է նա: «Աղջիկը կարող է սպասել ճիշտ տղամարդու հայտնվելուն, բայց միեւնույն ժամանակ դա չի նշանակում, որ նա չի կարող լավ ժամանակ անցկացնել «ոչ ճիշտերի» հետ»:

     

    Այս ցուցակը սկսվեց Ուորեն Բիթիի հետ մեկ գիշերով, երբ երգչուհին 16 տարեկան էր, իսկ նա՝ 25: «Ես դա արեցի, որովհետեւ ընկերուհիներս խենթանում էին նրա համար, ինչպես նաեւ մայրս: Ես տեսա Ուորենին, նա գերեց ինձ եւ ես դա արեցի։ Եվ ինչպիսի հիասթափություն»,- հիշում է երգչուհին։ «Այնպես չէ, որ նա տեխնիկապես լավ չէր, բայց ես ոչինչ չէի զգում»:

    990591.jpg (26 KB)

    Շերը ծանոթացել է Սոնի Բոնոյի հետ, երբ 16 տարեկան էր, իսկ տղան՝ 27։ Նա բաժանվեց կնոջից եւ փորձեց երգիչ դառնալ։ «Երդվում եմ Աստծով, այն պահին, երբ ես տեսա Սոնիին, սենյակում գտնվող բոլորն անհետացան», - ասել է Շերը: «Նա ամենահիասքանչ տղան էր»։

    шер-1.jpg (119 KB)

    Նրանք սկսել են միասին երգել եւ ամուսնացել 1964 թվականին։ 1969 թվականին զույգը դուստր է ունեցել՝ Չեստիտիին, այժմ՝ Չազ: Նրանք բաժանվել են 1974 թվականին։ Տհաճ ամուսնալուծությունից հետո, ի վերջո ընկերներ դարձան: «Գիտեք, մենք այնքան տարօրինակ հարաբերություններ ունեինք», - կիսվել է Շերը: «Մեր ամուսնալուծության օրը նա բռնեց ինձ եւ համբուրեց։Մեր մոտ հիստերիա էր: Չգիտես ինչու, ես չէի կարող զայրանալ նրա վրա»:

    Շերի հաջորդ սերը պրոդյուսեր Դեւիդ Գեֆենն էր, ով օգնեց նրան խզել պայմանագրերը, որոնք Սոնիին թույլ տվեցին վերահսկել իր կարիերան: «Ես առաջին մարդն էի, ով նրա հետ կիսեց անկողինն ու կյանքը», - Շերն ասել է բացահայտ գեյ Գեֆենի մասին: «Մարդիկ չեն հավատում դրան, կամ չեն ցանկանում հավատալ, կամ չեն հասկանում, թե ինչպես կարող է դա լինել: Բայց մենք իսկապես խենթանում էինք միմյանց համար»:

    Այնուհետեւ 1975 թվականի հունիսին լեգենդար երգչուհին ամուսնացավ ռոքեր Գրեգ Ալմանի հետ։ Շերն 9 օր անց ամուսնալուծության հայց ներկայացրեց՝ հիմնականում Գրեգի թմրանյութերի եւ ալկոհոլի հետ կապված խնդիրների պատճառով:

    грег.jpg (62 KB)

    Բայց սերը չափազանց ուժեղ էր, եւ մի քանի շաբաթվա ընթացքում զույգը հաշտվել է։ Նրանք ունեին որդի՝ Էլայջա Բլյուին, եւ «մեկ տարի անց ես վերջնականապես հեռացա Գրեգորիից։ Որքան էլ որ խենթանում էի նրա համար, ես չէի պատրաստվում թույլ տալ, որ նա լինի իմ երեխաների կողքին»:

    1977 թվականին զույգն ընդմիշտ բաժանվեց։ Շերը ծանոթացավ KISS-ի ռոքեր Ջին Սիմոնսի հետ այն բանից հետո, երբ նրա դուստր Չեստիտին խնդրել է մորը վերցնել երաժշտի ինքնագիրը։ Բայց նա ավելի ուշ սիրահարվեց Դիանա Ռոսին, երբ նրանք երկուսով գնացին Սուրբ Ծննդյան առեւտրի, որպեսզի Շերի համար նվեր գտնեն։

    Հաջորդը կիթառահար Լես Դուդեկն է, որը վեց տարով փոքր էր, երբ Շերի հետ ստեղծեցին Black Rose ռոք խումբը: Նրանց 1980 թվականի ալբոմը տապալվեց, եւերգչուհին անհետացավ մինչեւ 1982 թվականը: Շերը նվաճեց «Նյու Յորք Ռեյնջերս»-ի փլեյբոյ Ռոն Դյուգեի սիրտը 1982 թվականին։

    1984 թվականին նա հանդիպել է դերասան Վալ Քիլմերի հետ։ «Վալը զարմանալի է, բայց երբեմն նա չափազանց ինտենսիվ է եւ տաքարյուն», - ասել է Շերը եւ հավելել․ «Նա հիանալի է համբուրվում։ Իմ էմպիրիկ կանոնը, որն ինձ երբեք չի դավաճանել՝ եթե տղամարդը լավ համբուրվում է, ապա նա հիանալի սիրեկան է»:

    вел.jpg (51 KB)

    Բաժանվելուց հետո նրանք մնացին ընկերներ։ Շերն աջակցում էր Քիլմերին կոկորդի քաղցկեղի դեմ պայքարում՝ առաջարկելով նրան օգնություն եւ բնակության վայր։ «Նա նման չէ որեւէ մեկին, ում ես երբեւէ ճանաչել եմ», - ասել է Շերը: «Նա դյուրագրգիռ է եւ հիստերիկ: Հուզիչ ու զվարճալի, եւ նա չի անում այն, ինչ անում են ուրիշները: Չգիտեմ, թե ինչպես մնացինք ընկերներ։ Մենք չենք փորձել։ Մենք պարզապես եղել ենք»: Քիլմերի գործընկեր Թոմ Քրուզը 1985 թվականի վերջին մի քանի ամսով դարձավ Շերի հաջորդ սիրեկանը: «Նա ամաչկոտ էր»,- ասել է երգչուհին՝ հավելելով, որ «դա կարող էր մեծ սիրավեպ լինել, քանի որ խենթանում էի նրա համար»:

    том.jpg (43 KB)

    Քիլմերի գործակալ Ջոշ Դոնենի հետ սիրավեպից հետո Շերը խորապես սիրահարվեց Ռոբ Կամիլետիին, ով իրենից փոքր էր 18 տարով։ Նրանք միասին ապրել են գրեթե երեք տարի։ «Նա նման էր ժայռի», - ասել է Շերը:

    165.jpg (251 KB)

    Կամիլետտին Շերի մոտ տեղափոխվել է 1987 թվականին։ Նա երգչուհուն ուղեկցեց «Օսկար» մրցանակաբաշխությանը, երբ նա «Լուսնի իշխանություն» ֆիլմի համար ստացավ արձանիկ, սակայն զույգը բաժանվեց 1989 թվականին։ Շերը հանդիպել է նաեւ ռոք կիթառահարներ Ռիչի Սամբորայի, Bon Jovi-ի եւ Էրիկ Քլեփթոնի հետ։

    Հետ նայելով՝ Շերը խոստովանեց, որ իր սիրտը գողացած բազմաթիվ տղամարդկանցից նա իսկապես սիրել է միայն երկուսին: Երբ հարցրեց են նրանց անունները, Շերը պատասխանել է. «Դե, կարծում եմ Ռոբերտ [Կամիլետին] եւ Գրեգորի Ալմանը»։

    Նշենք, որ այժմ 76-ամյա Շերը հանդիպում է պրոդյուսեր Ալեքսանդր Էդվարդսի հետ, ով գրեթե 40 տարով փոքր է նրանից։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Online կինոաշխարհ

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One