22:27:32 11°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Տնտեսագիտականի Առաջին ուսանողական ալիքը 3 տարեկան է

    12:06 11 Դեկտեմբեր 2017

    Հայաստանի պետական տնտեսագիտական համալսարանի (ՀՊՏՀ) Առաջին ուսանողական ալիքը 3 տարեկան է: Դեկտեմբերի 11-ին ՀՊՏՀ-ում Հայաստանի երիտասարդական հիմնադրամի (ՀԵՀ) և բուհի ուսանողական խորհրդի հետ համատեղ կազմակերպված տոնական միջոցառման ընթացքում հոբելյանի առիթով ներկայացվեց բուհի ուսանողական խորհրդի կայքի լրատվական հավելվածը, տեղի ունեցավ «Մենթոր» հաղորդաշարի պրեմիերան:

    ՀԵՀ հոգաբարուների խորհրդի համակարգող, ՀՀ ԱԺ պատգամավոր Կարեն Ավագյանը նվերով էր եկել Տնտեսագիտական. նա վերադարձրեց իր աշխատասենյակում Առաջին ուսանողական ալիքի հետ հարցազրույցից հետո մնացած բարձրախոսը: Այնուհետև հայտարարեց, որ ցանկացած լրատվական գործունեություն առաջին հերթին տեղեկացնելու և ուսանողական խնդիրները բարձրաձայնելու նպատակ ունի. «Փաստացի առաջին անգամն է, որ կարողացել ենք այս ձևաչափով ու այս որակի ուսանողական ալիք ստանալ: Մյուս բուհերը շատ են փորձել նման ձևաչափ ունենալ, բայց միայն տնտեսականգիտական համալսարանի մոտ դա ստացվեց»:

    Կարեն Ավագյանը նաև ուսանողական ալիքի խմբագրակազմին հորդորեց չսահմանափակվել միայն բուհի ներսում կատարվող իրադարձությունների լուսաբանմամբ, այլև ներկայացնել հանրապետության կտրվածքով ուսանողների համար հետաքրքիր ծրագրեր ու բարձրացնել խնդիրներ:

    ՀՊՏՀ ուսանողական խորհրդի նախագահ Հովհաննես Հարությունյանը տեղեկացրեց, որ Առաջին ուսանողական ալիքը միակն ու առաջինն է ուսանողական դաշտում՝ որպես լրատվական ալիք. «Այս երեք տարիների ընթացքում փորձել ենք ուսանողներին հնարավորինս տեղեկացված դարձել և նրանց մատուցել ուսանողական դաշտում իրականացվող բոլոր խոշորագույն ծրագրերը»::

    Հոբելյանական միջոցառման ընթացքում տեղի ունեցավ նաև պարգևների հանձնում, որին հաջորդեց տոնական տորթը կտրելու արարողությունը:

    ԿԱՅՔԻ ՀԻՆ ՏԱՐԲԵՐԱԿ

    Լրահոս