08:15:51 -1°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Ծառուկյանը հայհոյե՞լ է Արթուր Բաղդասարյանին

    19:17 20 Հոկտեմբեր 2013

    Slaq.am-ի տեղեկություններով՝ երեկ երեկոյան «Զվարթնոց» օդանավակայանում լուրջ միջադեպ է տեղի ունեցել ԲՀԿ նախագահ Գագիկ Ծառուկյանի և ԱԱԽՔ Արթուր Բաղդասարյանի միջև: Ինչպես մենք արդեն տեղեկացրել էինք՝ Գագիկ Ծառուկյանին դուր չի եկել այն փաստը, որ Բաղդասարյանը նշանակվել է Վոլեյբոլի ֆեդերացիայի նախագահ, ինչն էլ առիթ է հանդիսացել, որպեսզի կուսակցականապետերը վեճի բռնվեն:

    Միջադեպը տեղի է ունեցել այն ժամանակ, երբ վերջիններս, մի շարք այլ պաշտոնյաների հետ, գնացել են օդանավակայան` դիմավորելու ՀՀ նախագահ Սերժ Սարգսյանին, ով երեկ Բրյուսելից Երևան էր ժամանում: Բանը հասել է նրան, որ Ծառուկյանը սկսել է հայհոյել Բաղդասարյանին, իսկ այնուհետև ձեռնամարտի են բռնվել, ինչն էլ կարողացել է կանխել ՀՀ ոստիկանապետ Վլադիմիր Գասպարյանը և թույլ չի տվել, որպեսզի այդ ամենը շարունակվի, ինչից անմիջապես հետո Բաղդասարյանը հեռացել է: 

    Ըստ մեզ հասած աղբյուրների՝ միջադեպը նոր ընթացք է ունենալու նաև վաղը: Գագիկ Ծառուկյանը, լինելով Օլիմպիական կոմիտեի նախագահ, զայրացած է այն բանից, որ Արթուր Բաղդասարյանն առանց իր իմացության է նշանակվել ֆեդերացիայի նախագահ: Տեղեկություններ կան նաև այն մասին, որ Ծառուկյանը պատրաստվում է չեղյալ համարել Բաղդասարյանի նշանակումը և նոր ֆեդերացիա է ցանկանում ստեղծել նորանշանակ նախագահով:


    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Քաղաքականություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2023 . Բոլոր իրավունքնրը պաշտպանված են։
    Նախագծող՝ Studio One