21:42:21 13°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Տաթև Վիրաբյանի կալանքի որոշումը բողոքարկվել է․ Ի՞նչ է նշված դատարանի որոշման մեջ և ի՞նչ՝ բողոքում

    20:32 27 Սեպտեմբեր 2023

    Տաթևիկ Վիրաբյանի կալանքի որոշումը բողոքարկել ենք Վերաքննիչ դատարան, հայտնել է փաստաբան Արսեն Բաբայանը։

    «Բողոքում մեր գրասենյակի փաստաբան Ռուդիկ Դոլունցը մի հիանալի վերլուծություն է կատարել, առաջարկում եմ կարդալ․

    Դատարանն իր որոշմամբ նշել է՝ Տաթևիկ Վիրաբյանը ենթադրյալ հանցանքը կատարել է «երկրում ստեղծված՝ հետպատերազմյան խնդիրներով ողողված իրավիճակում, մասնավորապես՝ սոցիալ-տնտեսական ծանր իրադրության ու անդառնալի կորուստների և դրանցով պայմանավորված՝ հասարակության և պետության օրինական շահերին ու պետական անվտանգության և հասարակական կարգին անմիջականորեն սպառնացող վտանգի պայմաններում»։

    Ի պատասխան սույն գնահատականի՝ Ռուդիկ Դոլունցը բողոքում նշել է՝

    «Նախ նշենք, որ Հայաստանի Հանրապետությունը դե յուրե վերջին տասնամյակում որևէ պետության հետ պատերազմի մեջ չի եղել։ Ինչ վերաբերում է այն հանգամանքին, որ Հայաստանի Հանրապետությունը 2020 թվականի սեպտեմբերի 27-ից մինչև նոյեմբերի 9-ը դե ֆակտո գտնվել է պատերազմի մեջ, ապա հարկ ենք համարում նշել, որ նշված ժամանակահատվածից անցել է երեք տարի և այդ երեք տարիների ընթացքում ըստ Հայաստանի Հանրապետության պետական պաշտոնատար անձանց, այդ թվում նաև Էկոնոմիկայի նախարար Վահան Քերոբյանի՝ Հայաստանի Հանրապետության տնտեսությունը զարգանում է շատ լավ և զարթոնք է ապրում։ Ինչ վերաբերում է վերջին օրերին Արցախի Հանրապետությունում տեղի ունեցած ռազմական գործողություններին, ապա պետք է նշել որ ՀՀ պաշտպանության նախարարությունը բազմիցս, այդ թվում երկու օր առաջ տարածել է պաշտոնական հայտարարություն այն մասին, որ ՀՀ ԶՈՒ ստորաբաժանումներ Լեռնային Ղարաբաղում չկան: Ինչպես նաև վերջին շրջանում ՀՀ ՊՆ-ն հանդես է եկել հայտարարությամբ, որ ՀՀ սահմաններին հարաբերականորեն կայուն է։ Իսկ ՀՀ վարչապետ Նիկոլ Փաշինյանը հայտարարել է, որ ՀՀ-ն սոսկ հետևում է զարգացումներին։

    Վերոգրյալ վերլուծությունից ստացվում է, որ ՀՀ պաշտոնատար անձանց կողմից բոլոր պնդումները, որ հաղթահարվել են հետպատերազմյան (դե ֆակտո) բոլոր խնդիրները՝ Առաջին ատյանի դատարանի կողմից հերքվել է վիճարկվող որոշմամբ»,- մանրամասնել է փաստաբանը։

     

    ԿԱՅՔԻ ՀԻՆ ՏԱՐԲԵՐԱԿ

    Լրահոս