15:09:55 4°C
  • USD - 482.28 ֏
  • EUR - 568.13 ֏
  • RUB - 6.53 ֏
  • Սպիտակ տունը հայտարարել է, որ Գազայում նոր զինադադարի շուրջ պաշտոնական բանակցություններ չկան

    20:21 3 Դեկտեմբեր 2023

    Գազայի հատվածում հումանիտար զինադադարի վերականգնման շուրջ պաշտոնական բանակցությունները ներկայումս չեն ընթանում։ Այս մասին NBC հեռուստաընկերությանը հայտնել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

    «Ներկայումս պաշտոնական բանակցություններ չկան հրադադարի երկարաձգման շուրջ: Եվ դրա մեղավորը ՀԱՄԱՍ-ն է: ՀԱՄԱՍ-ը չի տրամադրել կանանց և երեխաների նոր ցուցակը», -ասել է նա:

     

    Քիրբիի խոսքով՝ ԱՄՆ-ն հաստատ գիտի, որ պաղեստինյան շարժումը շարունակում է պատանդ պահել կանանց ու երեխաներին։

    «Ցավոք սրտի, բանակցությունները դադարել են: Սակայն հրադադարը վերականգնելու մեր փորձերը չեն դադարել»,- ասել է Սպիտակ տան ներկայացուցիչը:

    Նա հավելել է, որ Գազայի հատված մարդասիրական օգնության, այդ թվում՝ վառելիքի մատակարարումները շարունակվում են։

    «Վերջնական նպատակն է գոնե մատակարարումների ծավալը վերադարձնել այն մակարդակին, որը ձեռք էր բերվել դադարի ժամանակ, երբ մի քանի հարյուր բեռնատարներ երբեմն կարողանում էին մեկ օրում մտնել Գազա», – ասել է նա։

    ԿԱՅՔԻ ՀԻՆ ՏԱՐԲԵՐԱԿ

    Լրահոս